Video
Read full review
2021-03-04
1284 views
早幾日去左朋友屋企，六個人都係買外賣方便啲～下午經過果陣見到呢間餐廳好多人，拎左張外賣紙，夜晚我就向朋友提議試呢間，反正主人家都未試過😆打去問送唔送外賣，佢話要一至兩個鐘，但外賣自取就廿分鐘搞掂，擺明唔想送😅我地叫左好多野😂五個主食：鹽酥雞扒蔥油拌麵，古早味新竹炒米粉，鹽酥排骨滷肉便當，甜酸鳳梨魚柳便當，紅燒牛肉湯麵四個小食：地瓜條，鹽酥雞，炸花枝丸，蚵仔煎兩杯飲品：熱濃烤焙茶奶茶加大珍珠， 一杯正常一杯半糖～炸野隔左一陣先食一定會差左D，不過食落都仲有微微脆口，唔會太油，雞扒好滑，排骨都唔會乾身同唔UN👍蔥油拌麵拎到返黎痴埋左一PAT，但係底下仲有Ｄ汁，撈返散之後都仲好好食，微鹹帶D甜味，麵條彈牙😋炒米粉好爽口，材料豐富，調味適中，炒得幾出色👏滷肉便當既滷肉唔會太肥膩，佢係淺色偏向鹹果種，不過我自己係中意食偏深色同偏甜果種滷肉，所以我就覺得一般～甜酸鳳梨魚柳炸皮唔厚，食落都仲有微微既脆，三色椒爽脆，我最中意食酸酸甜甜既菜式😁不過放得耐之後D汁勁勁勁稠，呢個便當另外用兜裝左成碗白飯，份量超多😅紅燒牛肉湯麵既麵條係同拌麵一樣，所以同樣非常彈牙，Ｄ牛展勁淋好好食👍地瓜條幾甜，份量都唔少，無
下午經過果陣見到呢間餐廳好多人，拎左張外賣紙，夜晚我就向朋友提議試呢間，反正主人家都未試過😆
打去問送唔送外賣，佢話要一至兩個鐘，但外賣自取就廿分鐘搞掂，擺明唔想送😅
我地叫左好多野😂
五個主食：鹽酥雞扒蔥油拌麵，古早味新竹炒米粉，鹽酥排骨滷肉便當，甜酸鳳梨魚柳便當，紅燒牛肉湯麵
四個小食：地瓜條，鹽酥雞，炸花枝丸，蚵仔煎
兩杯飲品：熱濃烤焙茶奶茶加大珍珠， 一杯正常一杯半糖～
炸野隔左一陣先食一定會差左D，不過食落都仲有微微脆口，唔會太油，雞扒好滑，排骨都唔會乾身同唔UN👍蔥油拌麵拎到返黎痴埋左一PAT，但係底下仲有Ｄ汁，撈返散之後都仲好好食，微鹹帶D甜味，麵條彈牙😋
炒米粉好爽口，材料豐富，調味適中，炒得幾出色👏
滷肉便當既滷肉唔會太肥膩，佢係淺色偏向鹹果種，不過我自己係中意食偏深色同偏甜果種滷肉，所以我就覺得一般～
甜酸鳳梨魚柳炸皮唔厚，食落都仲有微微既脆，三色椒爽脆，我最中意食酸酸甜甜既菜式😁
不過放得耐之後D汁勁勁勁稠，呢個便當另外用兜裝左成碗白飯，份量超多😅
紅燒牛肉湯麵既麵條係同拌麵一樣，所以同樣非常彈牙，Ｄ牛展勁淋好好食👍地瓜條幾甜，份量都唔少，無話梅粉襯托但底下有少少胡椒，味道OＫ～
花枝丸幾彈牙👍
朋友話焙茶奶茶既焙茶味唔突出，一般般，半糖同正常甜飲落差唔多，飲品唔太推薦🙈
我本身都中意食台灣野，我諗呢間台灣菜會變成我下次去呢個朋友屋企既指定飯堂😍
Post
