漁屋日本料理 (海寶花園) (Closed)

上次入黎大埔，行過附近發現左依度有間食放題嘅日本料理，就覺得好得意，因為通常依Ｄ餐廳都係集中喺市區先有的。後來打聽左，原來果間野應該都唔錯，所以就約埋一班朋友，今日下晝黎左依度試下喇。佢地放題的食物種類都算幾多，大路野，例如刺身壽司，沙律、燒物、炸物等等嘅都有，但又有一Ｄ比較少有的品種，例如長腳蟹，PAMA HAM沙律，原隻燒蠔，燒鰻魚咁，真係算唔錯。食物味道幾好，樣樣睇落都已經幾得。牡丹蝦幾鮮甜，我地都叫左幾多。燒蠔幾大隻，唔會得一劈醬其實好細粒蠔咁樣。炸物都係新鮮炸的，唔錯。沙律都幾多款，樣樣都試下。一大班人都食得幾盡興，又都算抵食。不過依度就要入到黎大埔先有得食，但係街坊應該會幾方便。