上海津味小食店

Open Now

Now Closed

大窩口有一個好噏耷嘅商場平時我都盡量避免行入去，但呢間上海麵店真係值得試下。店面好細得幾張枱，清一色全部食上海麵。重點推介係上海獅子頭，其實係一個炸過嘅肉丸，豬扒亦幾唔錯，夠林唔韌，由於唔鍾意食韭菜所以就冇叫過佢嘅雲吞，鍾意食韭菜嘅朋友可以一試，聽講都唔錯。每碗麵可以揀榨菜和雪菜，榨菜麻麻地，雪菜好食，佢嘅豆漿有杯裝，樽裝，細碗，大碗，如果叫大碗夠兩個人飲，佢會畀兩支飲管你分甘同味。價錢亦好親民，今日三個人去食，叫咗三碗麵兩碗豆漿都唔使150蚊，下次會再去試下其他款式。