Video
Read full review
2021-07-04
1565 views
週日與朋友一行七人嘆下午茶buffet！目的是與兩位朋友慶祝生日；上網見到有優惠，做緊買二送一，一問之下原來午餐、下午茶、晚餐都同樣做緊優惠，凸出來嗰位仲有七五折添！大前題係要做會員，不過會員是免費登記嘅！🆓我哋請埋兩個人，除開位位$408，爽爽爽呀Book枱時要求坐窗口位，餐廳都能夠安排到，服務算唔錯！言歸正傳講講食物，七人都大贊性價比高，下午茶buffet通常都只有甜品，但係呢度有好多款食物選擇，質素仲唔差添！冷盤、熱盤、沙律、湯麵、咖喱、甜品、雪糕、仲有小朋友鍾意食嘅軟糖，應有盡有……有幾款係我哋都覺得需要大力推介👇🏻👇🏻👇🏻喇沙湯底簡直冇得輸，椰香同埋蝦香味好濃郁，應該有用蝦頭調製，可以揀淨食或者配合米粉，兩者都一絕，雲吞仲要大大粒有兩隻蝦，墨魚丸各樣都唔差，朋友仲大嘆要encore！冷盤龍蝦鉗值得一讚， 爽口之餘，仲食到龍蝦嘅鮮甜味， 唔會剩係得個鹹味或者無味！甜品都值得一讚，當然我哋冇食晒全部，但係所選擇嘅都算多，同埋最緊要唔會太甜，仲有值得一提就係一般食Buffet唔起眼👀👀👀～豆腐花，好滑，可配糖水或者黃糖；～椰汁芋頭西米露，椰香味濃🥥，仲有粒粒芋頭，一啲都唔馬虎～即叫
Book枱時要求坐窗口位，餐廳都能夠安排到，服務算唔錯！
言歸正傳講講食物，七人都大贊性價比高，下午茶buffet通常都只有甜品，但係呢度有好多款食物選擇，質素仲唔差添！冷盤、熱盤、沙律、湯麵、咖喱、甜品、雪糕、仲有小朋友鍾意食嘅軟糖，應有盡有……有幾款係我哋都覺得需要大力推介👇🏻👇🏻👇🏻
喇沙湯底簡直冇得輸，椰香同埋蝦香味好濃郁，應該有用蝦頭調製，可以揀淨食或者配合米粉，兩者都一絕，雲吞仲要大大粒有兩隻蝦，墨魚丸各樣都唔差，朋友仲大嘆要encore！
冷盤龍蝦鉗值得一讚， 爽口之餘，仲食到龍蝦嘅鮮甜味， 唔會剩係得個鹹味或者無味！
甜品都值得一讚，當然我哋冇食晒全部，但係所選擇嘅都算多，同埋最緊要唔會太甜，仲有值得一提就係一般食Buffet唔起眼👀👀👀
～豆腐花，好滑，可配糖水或者黃糖；
～椰汁芋頭西米露，椰香味濃🥥，仲有粒粒芋頭，一啲都唔馬虎
～即叫即整熱辣辣pancake🥞同埋格仔窩夫🧇，係好脆口，配合新鮮生果，一啲都唔覺得膩
～雪糕機自助浸軟雪糕，有兩款，分別是香蕉雪糕以及芒果乳酪雪糕，我哋比較喜歡後者，簡直食完一杯又一杯，芒果味一啲都唔假，混合埋乳酪，唔會太甜！🥭🥭🍦
我哋個個都捧住個肚走，大家都話夜晚個餐都唔使食，好彩時間尚早，有足夠時間消化🤪😋，異口同聲都說好耐冇試過咁痛快了！💃💃🕺
16 views
0 likes
0 comments
Post
