Video
Read full review
2012-04-04
11 views
下午要覆診，唔想煮，去咗食酸辣麵！之前試過佢下午茶幾好食，又多選擇，諗住正價都試下佢午餐啦。11：45去到排隊，未到飯市都要排3-5個。原來佢早餐做到12點，即係11：30-12：00你叫早餐同午餐者得！正呀！即刻睇下有咩抵啦！因為時間早，胃口麻麻，就叫個早餐！真係11：55都仲有得落單，職員無「炸型」（雖然平過午餐約$10 )，仲好好招呼同好快手！兩個人叫兩份炸醬米線早餐，跟雙蛋，油包同勢奶茶。米線都有4種揀，雙蛋又可以揀火腿蛋或腸蛋，包都有多士同牛角包揀，食得牛角包好似仲抵！只係我唔食得咁油。客人多，約10-15分鐘先有得食，不過樣樣熱辣辣，正！炸醬唔辣，仲藏少少番茄醬酸味，開胃！米線唔係煮好N年個D發水樣，食到尾都熱。雙蛋都唔係平日連鎖快餐個D涷冰冰！係杯茶啦，香就幾香，不過飲落無咩味！不過$27位，超值喇！下次再試其他百搭早餐！
之前試過佢下午茶幾好食，又多選擇，諗住正價都試下佢午餐啦。
11：45去到排隊，未到飯市都要排3-5個。原來佢早餐做到12點，即係11：30-12：00你叫早餐同午餐者得！正呀！
即刻睇下有咩抵啦！
因為時間早，胃口麻麻，就叫個早餐！真係11：55都仲有得落單，職員無「炸型」（雖然平過午餐約$10 )，仲好好招呼同好快手！
兩個人叫兩份炸醬米線早餐，跟雙蛋，油包同勢奶茶。米線都有4種揀，雙蛋又可以揀火腿蛋或腸蛋，包都有多士同牛角包揀，食得牛角包好似仲抵！只係我唔食得咁油。
客人多，約10-15分鐘先有得食，不過樣樣熱辣辣，正！炸醬唔辣，仲藏少少番茄醬酸味，開胃！米線唔係煮好N年個D發水樣，食到尾都熱。雙蛋都唔係平日連鎖快餐個D涷冰冰！
係杯茶啦，香就幾香，不過飲落無咩味！不過$27位，超值喇！
下次再試其他百搭早餐！
Other Info. :
試過用 open rice Apps upload 食評，但3,4 次都只係 loading，跟住就無反應 .....
只有用返 web .....
(The above review is the personal opinion of a user which does not represent OpenRice's point of view.)
Post
