拾玥

Open Now

Now Closed

今日打風，昨日無好似似啲師拉咁叻買士餸，所以都係要同老公落街食。平時好少在家附近食飯，竟發現到間新台式店，地方闊落，光鮮企理，裏面有好多寬敞嘅卡座，坐得好舒服。晚巿有一人尊享套餐、自選麵尊享套餐、一人台灣涮涮鍋尊享套餐、自選雙拼台灣手工湯麵系列、正宗台灣手工牛肉麵系列、即燒熱鍋小菜、肉燥飯系列、慢煮牛坑腩飯系列、咖喱系列、夜巿鐵板套餐、小食、飲品等等，超多選擇。一人尊享套餐包主菜、小食、飲品，我要咗台灣番茄牛肉麵配鹽酥芋頭貢丸和愛文芒果茉莉花茶（$96），好豐富！台灣番茄牛肉麵幾大碗，湯底酸香美味，麵條有嚼勁！牛肉是牛肋條，大大件，腍嫩入味，有少許脂肪，甘香油潤。仲有兩大件無渣嘅白蘿蔔和多件鮮活嘅蕃茄，正！鹽酥芋頭貢丸比湯滾更好味，味道鹹香，外酥香，內有香芋粒，好食！愛文芒果茉莉花茶酸咪咪，有茶香。老公要蟲草花養生豚肉小火鍋（$118）配肉燥飯和凍港式檸檬茶，而小火鍋除咗有豚肉之外，還配有台灣凍豆腐、澎湖特A級花枝丸、鱈魚湯包、芋頭貢丸、麻辣貢丸、鵪鶉蛋、娃娃菜、金菇、香菇貢丸、番茄、粟米和木耳，超豐富，唔係小鍋呀！豚肉半肥瘦，肉嫩鮮香，其他配料都唔錯，仲可以一次過食齊五款台式丸，最喜