美盛匯 (Closed)

今日去到灣仔呢一邊朋友介紹咗間民生食堂俾我諗住一齊去簡單食吓嘢！我就問佢點解今次會帶我去食民生嘢嘅、佢話呢輪食得太豐富，今日想食得簡單啲！呢間餐廳都面積算大，有九款唔同嘅餸菜俾你選擇、叉燒同肉餅係最受歡迎，仲有唔同嘅蔬菜可以補給營養！當然佢嘅種類都算係比較多，仲可以任食添！除咗有唔同嘅嘢食，佢仲有一個Bar係專門整水餃同雲吞牛腩、麵都可以大大碗，非常抵食！再加上飯堂都會有水果供應都係任食！有西瓜同埋橙！感覺非常健康！最後當然唔少得有糖水啦一碗暖入心嘅喳喳就一定要食！除咗好好食，好重椰香味之外，亦都好多唔同嘅配料好豐富！最後再配上馬拉糕做甜品亦都係非常之獨特！除此之外，呢度嘅飲品都係任飲㗎，民生食堂講緊基本自助餐都係$98一位、除咗抵食入面嘅餸味道都唔差㗎！加上好近灣仔地鐵地段，有好多喺度返工嘅人都專程嚟食呢間！美盛匯灣仔告士打道88號2樓全層