小曼谷泰國菜館

Open Now

Now Closed

講起小曼谷，大家都會諗起九龍城，屯門原來都有間小曼谷，佢同九龍城、元朗嗰幾間係唔同嘅，呢間價錢平成截，基本上非海鮮嘅嘢食定價都只係$50內，所以每次去都要等好耐位～今次一行五人去食，多人、星期日、新年假，三種因素加埋一齊，搞到我哋都等咗差唔多一個鐘先有位😖好彩，入座後，落完單，嘢食基本上10分鐘內都嚟得八八九九，唔會話等好耐。今次叫咗柚子鮮蝦沙律、泰式炸蝦餅、串燒沙嗲 雞&豬、馬拉盞炒通菜、蝦羔炒飯、泰式炒金邊粉、椰汁青咖哩 豬、龍眼水、芒果冰、椰汁冰、珍多冰、芒果白糯米、芒果黑糯米，叫得太多，價錢都唔係好記得了🙇🏻‍♀️飲品最先到，每次嚟我都會叫龍眼水，顏色好濃，龍眼肉同啲水都好甜，大推！柚子鮮蝦沙律超濃味，鍾意重口味嘅朋友必叫，柚子夠鮮，加埋超多嘅泰式醬，非常開胃～蝦羔炒飯啲蝦係無味嘅，應該係炒完飯先放上去，個飯都無蝦羔味，似普通蛋炒飯多啲。炒金邊粉亦都唔夠味，我係泰式炒金邊粉嘅fan，呢碟真係唔多得，另外跟碟無附上青檸，如果有青檸汁吊吊味可能會好啲啲。炸蝦餅好香脆，熱辣辣上枱，炸得剛剛好，推介！串燒沙嗲係最好食嘅嘢，原本只叫咗雞串，雞肉嫩滑，雞肉好入味，沙嗲味濃郁👍🏻 食完雞串en