雞翼山 (謝斐道) (Closed)

想買外賣返公司食，上OpenRice一睇，見到原來可以直接響網上落訂俾錢，然後自取，覺得有點神奇。剛巧尋日朋友都響度講話佢會去雞翼山買100隻雞翼同同事開party，咁我見到雞翼山有外賣自取套餐，望落好似幾好食，而且可以落咗單先行過去攞，唔使等，節省時間，於是就落order要咗個四隻雞翼餐加一杯飲品。特價4隻雞翼套餐只可以揀一個款式，我揀咗鼠尾草鹹蛋黃雞翼，鹹蛋黃好香，但加埋雞翼個味本身我就覺得稍為鹹咗少少，但都係好好味。下次我要試文青風玫瑰。喺OpenRice落單，好似仲平過現場買。