極上冰室

Open Now

Now Closed

睇演唱會前去咗尖東食晚飯，見到呢間冰室個裝修幾靚就入咗去試吓，喺尖沙咀地區嚟講，價錢唔算貴，$168就有一個小菜雙人餐，包咗兩杯飲品兩個湯兩個小菜同白飯，小菜嘅份量同大排檔嘅都差唔多，所以係幾抵食，今日我哋叫咗一個雙人餐再加一個小菜，結果食到超飽🤣🤣紅湯&中湯紅湯係正常嘅西餐紅湯，幾重蕃茄味又有少少辣味，飲完係幾開胃，而中湯就係豬骨西洋菜湯，感覺上紅湯比較好飲紅燒雙腩煲小菜上枱時個煲熱辣辣，仲有渣渣聲，雙腩係指燒肉同魚腩，燒肉同炸魚腩嘅皮仲有少許脆口，而煲底亦都有小白菜墊底菠蘿咕嚕肉咕嚕肉嘅炸衣都幾薄，而且每舊肉都有酸酸甜甜嘅汁，上枱嘅時候咕嚕肉嘅外皮仲係脆口嘅，絕對係新鮮製作，而且酸汁嘅味道亦調校得啱啱好脆蠔餅脆蠔餅即係平時食開嘅煎蠔餅，蠔餅兩邊半煎炸得好香脆，蠔肉亦新鮮，而且份量都多，基本上每夾一啖仔都會有蠔肉嘅存在，再配埋魚露，令蠔餅嘅嘅味道更豐富飲品（凍檸樂&紅豆冰&熱杏霜）凍檸樂同熱杏霜都係正常野，而紅豆冰嘅味道係幾好，有大半杯都係紅豆，紅豆都煮到軟腍，但仲係粒粒分明嘅狀態，甜度亦適中，係一杯幾好味嘅紅豆冰