嚐味喇沙 (Closed)

呢間嚐味喇沙係之前返工嘅飯堂，海南雞同椰子雞湯真係好好食又好飲！今次經過見到夜晚出左個晚市小菜，百幾蚊就有2個餸連白飯同湯，都幾抵食！【咕嚕魚柳】魚柳炸粉薄，肉質仍然嫩滑！仲有大量燈籠椒同菠蘿，夠晒酸甜！【鹽酥雞球】鹽酥雞球覺得就炸得有少少乾身，但夠香口脆身，調味方面亦都好夠！另外加$8 升級夏日特飲，有4款特飲！(華田雪山、原味乳酸、芒果乳酸七喜、草莓乳酸七喜)，最後揀左芒果乳酸七喜同華田雪山！真係超級抵飲，圖係完全睇唔出超級大大大杯！芒果乳酸好fresh，亦都唔會太甜！華田雪山，大大杯夠濃郁！🤤Rating: 8/10📍嚐味喇沙沙田沙田中心商場3樓49及60號舖