金牌小龍 (Closed)

去咗歐洲旅行半個月，當然好掛住香港嘅嘢食啦！諗返香港嘅美食真係好多，美食天堂個名真係名不虛傳! 喺外國永遠食住凍冰冰嘅嘢，唔似得香港想食乜就食乜！講返今晚嘢食先，返黎第一日就約咗朋友去上海嘢，本身約咗iSquare睇戲，樓下3樓有間金牌小龍，地點幾就腳。入到去，店員冇問我飲咩茶就已經俾咗茶我，不過唔緊要飲咩茶我都OK嘅！但係飲落嗰種茶又幾好飲！二人食，叫左咁多蟹黃小籠包$52 /5隻，金牌小龍重點一定係小籠包，而呢度既小籠包款式都非常之多。蟹黃小籠包外皮軟，食到啖啖的蟹黃味，略嫌唔夠大粒。紅燒豬手$16 /1件，非常入味，豬手雞絲粉皮$38，賣相不算好看，但麻醬非常好食！混入粉皮和雞絲中，唔錯開胃。台式擔擔面$40，濃厚既味道，擔擔面出色，面底彈牙！芥蘭炒牛肉$72，即炒，幸好有點這個，牛肉量很多，而且不會有太油膩既感覺。台式滷肉飯$35，白飯吸收了滷水的肉汁，而且隻滷水蛋唔錯。會收茶錢，二人棒住個肚走大概三百幾，尖沙咀呢區黎講，抵食啦