Video
Read full review
2023-04-22
24 views
餐廳滿滿嘅和風居酒屋風格，有好多日本元素嘅裝飾同海報，座位之間都幾闊落，坐得幾舒服。Menu都幾多選擇，淨係刺身壽司🐟嘅選擇都已經好多，而且食材都比較高質，有鯛魚、深海池魚、赤身呢啲omakase先食到嘅魚類，再加埋啲日式燒物同串燒，好滿足呢！今次平日中午嚟到，試咗佢嘅午市嘅定食，幾抵食，最平$78已經嘆到一個set！佢呢度嘅服務都值得一讚，啲壽司上嚟店員都會簡單介紹一下，幾熱情～🙈------------------------------🍣◖東京時令壽司定食（七貫）◗ $178呢個定食有七款壽司，分別係燒拖羅、帆立貝、油甘魚、深海池魚、真鯛、平目同三文魚，都係平時比較少見嘅種類！魚生都好鮮甜，尤其鍾意三文魚同深海池魚，而且幾鍾意佢個醋飯比較細舊，百幾蚊就可以試晒咁多款高級魚！🍱◖蒲燒鰻魚丼◗ $108有一大片鰻魚喺上面，油脂豐富，好香蒲燒汁嘅味道，肉質軟綿，撈飯食真係好正，但就略嫌佢個醃蘿蔔有啲苦澀味呢～🍙◖燒飯團◗ $28飯糰燒得外皮好酥脆，好似一個大飯焦咁，好香口！加入咗啲七味粉，食落脆卜卜好有口感，食到濃濃嘅木魚香味，包埋紫菜食，香味勁有層次！🐓◖德島雞肉捧◗ $42雞肉棒係
今次平日中午嚟到，試咗佢嘅午市嘅定食，幾抵食，最平$78已經嘆到一個set！佢呢度嘅服務都值得一讚，啲壽司上嚟店員都會簡單介紹一下，幾熱情～🙈
------------------------------
🍣◖東京時令壽司定食（七貫）◗ $178
呢個定食有七款壽司，分別係燒拖羅、帆立貝、油甘魚、深海池魚、真鯛、平目同三文魚，都係平時比較少見嘅種類！魚生都好鮮甜，尤其鍾意三文魚同深海池魚，而且幾鍾意佢個醋飯比較細舊，百幾蚊就可以試晒咁多款高級魚！
🍱◖蒲燒鰻魚丼◗ $108
有一大片鰻魚喺上面，油脂豐富，好香蒲燒汁嘅味道，肉質軟綿，撈飯食真係好正，但就略嫌佢個醃蘿蔔有啲苦澀味呢～
🍙◖燒飯團◗ $28
飯糰燒得外皮好酥脆，好似一個大飯焦咁，好香口！加入咗啲七味粉，食落脆卜卜好有口感，食到濃濃嘅木魚香味，包埋紫菜食，香味勁有層次！
🐓◖德島雞肉捧◗ $42
雞肉棒係日式串燒邊必食，夾雜住粒粒雞軟骨，幾爽脆，點埋佢嘅醬油雞蛋，食落好滑溜！
🐖◖黑豚蘆筍◗ $38
呢個略嫌鹹咗少少，但個蘆筍好爽脆清甜，可以加啲檸檬汁油膩感～
🌟Encore指數：8/10
Post
