嵐山日本料理

Open Now

Now Closed

尖沙咀棉登徑都有好多日本餐廳，呢間居酒屋🏮有二人套餐，性價比高，侍應服務態度好好，收碟收得好快漬物三點有牛蒡、青瓜🥒同埋白蘿蔔，食落爽口開胃時令沙律望落好豐富，有蟹柳、蟹籽、蕃茄仔、粟米粒➕沙律菜，味道鮮甜刺身四點🈶拖羅、三文魚、油甘魚➕甜蝦，件件都新鮮肥美，我就最鍾意拖羅，入口充滿魚油香，非常滑溜壽司拼盤都有好多件壽司，有赤身、深海池魚、真鯛、帆立貝、金目鯛、日本海膽➕拖羅蓉小卷，每一件都份量十足，鮮味可口，尤其係海膽，比起平時出面餐廳嘅份量多，入口香甜山賊汁燒安格斯牛柳串個汁好香好惹味，牛肉有咀嚼感唐揚薩摩雞亦外皮炸到香口酥脆，裡面嘅雞肉充滿肉汁，真係好juicy廣島蠔味噌菜鍋蠔肉咬落蠔味濃郁，配菜有青豆、娃娃菜、金針菇、粉絲、冬菇、豆腐、紅蘿蔔🥕等等，十分足料，食落好滋味黑咖喱湯豬軟骨稻庭烏冬呢個比我想像中好味😋豬軟骨煮得夠腍夠入味，黑咖哩湯底好香濃，配上彈牙嘅稻庭烏冬，非常美味時令甜品每人有一粒荔枝味雪糕糯米糍，真係好滿足嘅一餐❤