川之源 (寶豐大廈) (Closed)

西環出哂名多野食，今次試咗間川菜，價錢實惠，餐廳牆上掛住中國特色畫，茶具亦非常有中國特色。人多可以預約獨立房間，環境舒適。麻辣雞翼（午市特價$18）辣中帶香，雞肉嫩滑，辣到大約係小辣，而家做緊午市特價真係超抵。涼菜四川涼面食材雖然平凡，幼麵條加上幾種川味調味料，辣得過癮，涼面口感亦非常爽口。招牌酸菜魚片可以選辣度，今次揀咗小辣，魚片份量好多，酸菜湯底加咗辣椒調味，湯酸味美、微辣不膩，超鍾意嘅一個經典菜式。熱菜糖醋里脊醬汁酸酸甜甜，里脊外焦內嫩，非常高質。飲品玄米茶每枱附送玄米茶，香氣十足，口感清爽。