民華餐廳

Open Now

Now Closed

前排和同事到民華食lunch, 因為那天中午都肚餓，所以想食得豐富點，所以點了常餐，眾所周知，所謂常餐即餐蛋多士，公仔麵配熱飲。這裹的烘厚多士都幾厚身，要大啖咬落食顯得很有風味，牛油塗在多士內，牛油的鹹味令多士變得更美味可口，但可惜多士烘得不夠脆，厚多士唔夠熱，若烘得脆身點會更好。炒蛋則唔錯，蛋滑得來唔會太生， 午餐肉煎得可以，我比較喜歡把餐肉和炒蛋放進公仔麵內一齊食，感覺口感會更豐富和有層次感，公仔麵煮得唔會太稔，麵條夠爽滑彈牙，但沙爹醬的味道不夠香濃，牛肉夠稔身，味道都可以，大家都吃得津津有味。飲品方面，我點了熱檸水， 檸水夠熱，檸檬又唔會太多和太酸，沒有苦澀味，有清新檸檬味，生津止渴。價錢方面，以中午餐而言，常餐份量十足，味道可以，算是抵食。