果子｜海南雞飯·喇沙摻摻 (啟昌樓) (Closed)

今晚去左搵朋友開飯，話說佢年頭見到有間鋪新開想去試下。入面裝修都幾乾淨，枱與枱之間唔會好迫，我地坐卡位都幾舒服。青檸香橙梳打，佢用類似柑橘蜜做底所以有少少甜，青檸味亦都好夠。黑糖珍珠鮮奶，珍珠幾煙韌彈牙，黑糖又香又甜。絲網春卷比想像中好食，以為會暖暖地好硬，但其實係熱辣辣的，個皮亦好鬆脆！沙嗲雞肉串燒，好嫩一啲都唔乾，沙嗲醬香得黎唔辣。香煎豬頸肉喇沙摻摻，湯底唔算辣，好香椰汁味，豬頸肉好爽口，麵用左米線+油麵，口感特別。咖哩牛腩煲+油酥餅，香濃咖哩味，唔辣但美道搭夠，雖然唔係用牛坑腩但都非常腍，而且都好多舊。南乳雞翼椰漿飯，飯既椰汁味比較輕，但聞落好香，雞翼既南乳味唔算濃，皮亦都好脆，肉仲係鮮嫩。