牛極 (庇利金街) (Closed)

之前同男朋友已經食過，抵食得嚟質素又唔差，經過再食多次。😋首先一入到鋪頭，門口旁邊有部自助點餐機，揀好食咩俾錢買飛，將張飛交俾店員就可以等食喇！餐廳設有自助食物bar，有沙津菜（可選麻醬或柚子汁）、羅宋湯、白飯（可加紫菜粉）。牛肩排（180g）肉質鬆軟，食落啖啖肉汁，送飯一流！牛柳（200g）重肉味，肉質比牛肩排實啲，但不算太韌，啱哂男朋友呢類食肉獸。🤣石板熱力大約維持二十分鐘，如果唔多熱可以同店員講，店員會更換一塊熱辣辣嘅石板，鍾意慢慢享受嘅都唔洗怕。