Video
Read full review
2017-12-12
1229 views
入到元朗搵朋友食飯，地舖有好多唔同餐廳，揀到眼都花埋見到呢間門口裝修幾靚嘅舖頭就入咗去，入到去發現幾有cafe feel，舖頭唔算多座位，但係播住啲輕音樂幾舒服因為自己晏晝冇咩食嘢，所以夜晚勁肚餓，一於叫好多肉擦返餐首先係自家製bbq醬豬肋骨有兩大舊ribs，上面有好多醬，下面有黑松露薯蓉同埋三舊grilled嘅翠玉瓜個醬嘅味道好特別，比一般BBQ醬更香濃，因為有少少酸酸甜甜咁，好似加咗啲蕃茄醬，同埋有少少刺激嘅味道所以食唔停口好特別嘅係黑松露薯蓉，平時啲肉都係配普通薯蓉，但係配咗黑松露薯蓉有好香嘅黑松露味，令人食唔停，覺得呢個配搭好有心思第二樣嘅係德國鹹豬手，size係見過咁多鹹豬手入面最大最足料嘅豬手整得啱啱好，個皮金黃色，脆得嚟，唔會overcook，入面嘅肉好嫩，切一切就原全甩哂舊骨豬手配埋蜜糖芥末醬，個醬又可以點埋粗薯條，感覺呢個時候有杯啤酒就perfect嚕最後嚟食西餐都係想擦返塊牛扒，但又唔想叫太貴，咁啱佢做緊promotion，呢個紅酒牛扒都唔使$100如果想食靚啲嘅牛，就可以叫佢另外一個promote 緊嘅二人餐見好多couple都入嚟食，個餐有black angus
見到呢間門口裝修幾靚嘅舖頭就入咗去，入到去發現幾有cafe feel，舖頭唔算多座位，但係播住啲輕音樂幾舒服
因為自己晏晝冇咩食嘢，所以夜晚勁肚餓，一於叫好多肉擦返餐
首先係自家製bbq醬豬肋骨
有兩大舊ribs，上面有好多醬，下面有黑松露薯蓉同埋三舊grilled嘅翠玉瓜
個醬嘅味道好特別，比一般BBQ醬更香濃，因為有少少酸酸甜甜咁，好似加咗啲蕃茄醬，同埋有少少刺激嘅味道所以食唔停口
好特別嘅係黑松露薯蓉，平時啲肉都係配普通薯蓉，但係配咗黑松露薯蓉有好香嘅黑松露味，令人食唔停，覺得呢個配搭好有心思
第二樣嘅係德國鹹豬手，size係見過咁多鹹豬手入面最大最足料嘅
豬手整得啱啱好，個皮金黃色，脆得嚟，唔會overcook，入面嘅肉好嫩，切一切就原全甩哂舊骨
豬手配埋蜜糖芥末醬，個醬又可以點埋粗薯條，感覺呢個時候有杯啤酒就perfect嚕
最後嚟食西餐都係想擦返塊牛扒，但又唔想叫太貴，咁啱佢做緊promotion，呢個紅酒牛扒都唔使$100
如果想食靚啲嘅牛，就可以叫佢另外一個promote 緊嘅二人餐
見好多couple都入嚟食，個餐有black angus，不過因為已經叫咗豬手同ribs，所以二人餐都係等下次再嗌
牛扒好juicy，因為想食熟啲，叫咗7成熟，入面肉質都keep到幾粉嫩，雖然唔係好貴嘅扒，但係都肥瘦有致
要讚下佢嘅紅酒汁，唔會澀帶微香，同牛肉好夾
嘢飲方面冇叫酒，因為同朋友第二日都要返工，所以叫咗兩杯兒童鴛鴦，貪佢好得意
原來兒童鴛鴦係阿華田同好立克兩溝，一上嚟嘅時候顏色係啡嘅，阿華田味較重
估唔到過咗一陣，杯野飲出現咗兩層顏色
原來密度較高嘅阿華田粉沉咗底，上面比較淺色嘅係好立克，飲落去上面個層又真係較重好立克味
好似變魔術咁，每次飲嘅時候都攪下，幾過癮
Post
