喜悅冰室 (Closed)

好味指數：🌕🌕🌕🌕🌑價錢合理：🌕🌕🌕🌕🌕環境舒適：N/A平時成日喺觀塘食飯，之前有日就試咗喜悅冰室嘅炒嘢，豉椒牛肉炒河。喜悅門口show咗好多餐單，有個餐單有好多炒嘢可以叫，只係$40，一向鍾意食炒嘢嘅我當然叫返個炒濕河食吓。豉椒牛肉炒河 $40睇相都見到牛肉份量無幾足嘅！佢用嘅河粉係幼身河粉，比起粗嘅河粉掛到更多汁，即使係濕河都食得出好有鑊氣！食到嗰種炒嘢嘅香氣🤤醬汁味道啱啱好，有好香嘅豉椒、豆豉香氣，唔會太鹹啱啱好！醬汁份量都啱啱好，我最後食到一條都冇剩🤰🏻$40咁足料又夠鑊氣，調味啱啱好，抵食！