泰一流泰國菜 (Closed)

我一向鐘意泰菜，鐘意佢夠惹味! 今次試左位於慈雲山的「泰一流」餐廳的外賣，點左豬頸肉湯河，再配龍眼冰。佢的燒豬頸肉真心正，好香口，無肥膏，又啖啖肉，真係食唔停! 不過個湯河湯底感覺就好一般，似有味精，同材料唔多，可能下次試下豬頸肉配其他。龍眼冰都唔錯，甜甜地，適合夏天飲，非常清涼! 同埋感覺都幾大杯，跟餐+$10就有一杯，幾抵飲。總括來講算唔錯，因為價錢唔貴，唔洗$50，豬頸肉好味，飲品大杯! 不過下次唔叫湯河。