Video
Read full review
2020-11-09
98 views
樓下冰室嘅外觀相當吸引 一睇就知係走港式懷舊路線😚 店內環境寬闊 而且好光猛 唔會俾人一種好迫嘅感覺 食得好舒服 餐牌上有好多唔同嘅選擇 價錢都相當適宜 樣樣睇起上嚟都好好食😆我哋首先嗌咗佢嘅招牌瑞士雞髀($30) 果然係招牌菜 嚟到已經聞到好濃嘅瑞士汁味 佢嘅雞髀係大大隻 咬落去啖啖肉 都幾嫩滑 啲汁好入味 瑞士汁係偏甜嗰隻 我自己就幾鍾意😆之後就係墨魚丸叉燒豬骨湯通粉($54) 冰室嘅招牌係蕃茄湯底 不過我朋友就對蕃茄冇咩興趣 所以就嗌咗豬骨 結果都唔錯 湯底比較濃 偏重口味 值得一讚嘅係佢嘅滑蛋 真係好滑好有蛋味 仲有少少芝士添下一味餸係焗芝士西蘭花🥦($40) 我最怕就係啲西蘭花煮得太硬或者太淋 佢依個焗完出嚟口感啱啱好 除咗滿滿嘅芝士仲有好多白汁 想清新啲食返啲菜都可以揀呢個!之後就係我好想食嘅焗豬扒飯($60) 佢嘅份量真係超級多 好大兜 豬扒幾濕潤而且厚身 配搭埋啲蕃茄同蕃茄醬真係一流 個蛋飯炒得好乾身 好有質素 呢個好推薦大家嚟食😆紅豆冰(跟餐+$12) 整體偏甜 好啱螞蟻人 我好鍾意佢嘅紅豆 唔係煮得好爛 粒粒分明好有咬口華田脆脆(跟餐+$12）正常發揮 加埋啲脆脆
店內環境寬闊 而且好光猛 唔會俾人一種好迫嘅感覺 食得好舒服
餐牌上有好多唔同嘅選擇 價錢都相當適宜 樣樣睇起上嚟都好好食😆
我哋首先嗌咗佢嘅招牌瑞士雞髀($30) 果然係招牌菜 嚟到已經聞到好濃嘅瑞士汁味 佢嘅雞髀係大大隻 咬落去啖啖肉 都幾嫩滑 啲汁好入味 瑞士汁係偏甜嗰隻 我自己就幾鍾意😆
之後就係墨魚丸叉燒豬骨湯通粉($54) 冰室嘅招牌係蕃茄湯底 不過我朋友就對蕃茄冇咩興趣 所以就嗌咗豬骨 結果都唔錯 湯底比較濃 偏重口味 值得一讚嘅係佢嘅滑蛋 真係好滑好有蛋味 仲有少少芝士添
下一味餸係焗芝士西蘭花🥦($40) 我最怕就係啲西蘭花煮得太硬或者太淋 佢依個焗完出嚟口感啱啱好 除咗滿滿嘅芝士仲有好多白汁 想清新啲食返啲菜都可以揀呢個!
之後就係我好想食嘅焗豬扒飯($60) 佢嘅份量真係超級多 好大兜 豬扒幾濕潤而且厚身 配搭埋啲蕃茄同蕃茄醬真係一流 個蛋飯炒得好乾身 好有質素 呢個好推薦大家嚟食😆
紅豆冰(跟餐+$12) 整體偏甜 好啱螞蟻人 我好鍾意佢嘅紅豆 唔係煮得好爛 粒粒分明好有咬口
華田脆脆(跟餐+$12）正常發揮 加埋啲脆脆令成杯嘢嘅層次感提升!
飯後甜品嗌咗個西多士($28) 炸得啱啱好 外脆內軟 花生醬係真係有花生係入面 調味剛剛好 唔會話食到好滯
整體呢餐食得好開心 cp好高 平價又好食 推薦大家嚟試吓😆
Post
