無麵不歡 - 中華私房粉麵 (Closed)

女人街多餐廳大家都知。呢日諗住去覓食嘅時候見到有間餐廳位於一女人街嘅小巷入邊，就決定入去一試究竟！原來入邊係食成都出名嘅螺獅粉！雖然我同朋友都唔係好夠膽試，但亦都嗌咗佢哋嘅其他招牌菜食下。胡椒豬肚雞上海麵，湯底有極重嘅胡椒味🤤啱晒天氣涼嘅時候可以暖下身。而豬肚同雞塊嘅份量亦都好多。卜卜蜆粉絲可以走辣，啱唔可以食辣嘅朋友。每隻蜆都鮮甜，肉質彈牙。加配嘅牛腩好夠味。咁啱我哋嗌嘅兩碗粉麵都有爐暖住，保持溫度。麻辣手撕雞係一個唔錯嘅開胃菜。雞湯娃娃菜份量好多，每一條菜都索晒雞湯嘅精華。蛋餃嘅肉餡有馬蹄，增強口感。最驚喜就係蒜蓉香煎千頁豆腐豆腐，口感好似魚片頭，幾彈牙！