MOO MOO

Open Now

Now Closed

今日和同事喺觀塘做嘢！做完順便係嗰邊搵嘢食,咁啱經過牛頭角鴻運中心,見到呢度有個food court,就揀咗呢間「MOO MOO」食午餐。餐廳地方不大,但設有室內和室外座位,坐得好舒服,環境都唔錯。脆脆雞堡 $65雞扒好夠份量，外脆內軟，肉質嫩滑，加咗美國車打芝士、新鮮沙律菜和香甜番茄，材料豐富，非常好食。漢堡包亦相當鬆軟，值得推介。經典之堡 $60手工牛肉漢堡，配上生菜、蕃茄，車打芝士和秘製MOO MOO汁，咬落去仲有好多肉汁，口感豐富。芝士肉醬薯條 $39薯條炸到金黃色，芝士肉醬份量好多，足夠覆蓋每條薯條，非常惹味。可樂 $12蜜桃特飲 $28蜜桃味清新，唔會太甜，好飲。