岳川串揚

Open Now

Now Closed

早放工，終於可以同同事過嚟食半價串燒。同事話呢度用新鮮雞，稀有部位都有得揀。睇睇菜單連條大動脈都有得食，雖然舖仔細細，但味道唔錯，而又真係幾抵食嘅。叫左個無味精自家製雞白湯烏冬，香濃得黎清清地，食到湯都清埋，後來先知呢樣係每日限賣。雖然細細間舖，但每串串燒嚴謹控制熟度，剛熟有燒烤香味，亦有暖鍋暖住，評一評先：鹽燒鮮雞腎串 - 惹味、有口感。大蔥日本雞腿肉串、鹽燒日本雞腿肉串 - 惹味、雞味。汁燒鮮雞肝串 - 嫩、香招牌月見免治雞肉串 - 點蛋汁正汁燒鮮雞大動脈串 - 煙煙韌韌幾特別豚肉車厘茄卷 - 肉香、清新鹽燒美國牛肋條 - 惹味燒日本多春魚 - 1客3條，抵，成條連骨都好香脆。唐揚一級炸蠔，一客3件，蠔肥、鮮，熟度剛好，juicy。燒兵庫縣生蠔、燒大蔥 、 燒芝士年糕、秘制Juicy香脆雞翼、酥炸墨魚咀都唔錯，墨魚咀係全晚最惹味停唔到口之選。啤酒1送1抵，其他飲品好似信洲蘋果梳打、無糖可樂唔算貴，唔飲酒叫汽水都唔肉赤。