韓閣 (Moved) New Location

朋友介紹去路德圍食韓國菜，都好抵食，雖然店鋪小，但多選擇， 先來前菜，泡菜和菠菜，泡菜唔算好辣，夠爽口，見菜單好多款色，見到最吸引係呢個芝士岩醬炒飯$78，炒飯面有幾塊半肥瘦腩肉，夾埋好香濃的芝士，芝士在鐵板上熱著，可拉絲同炒飯同蛋醬一齊混埋食，非常香，還叫了脆爆雞膇翼$58，醬汁甜甜地，而牛油香味濃郁，帶微微芝麻香，雞翼非常酥脆。店鋪還細心安排膠手套，食時更豪邁。飲品點咗芒果夢幻蝶豆花奶同橙汁菠蘿梳打，芒果蓉另上可隨即加入，好香芒果味，再發現杯中有一大粒黃色冰粒，相信也是芒果肉雪成冰，好好味。另外橙汁菠蘿好清甜，內裡還有菠蘿肉添。特飲只需加$14@，超值。