越男仔 (Closed)

餐廳效率快，人來人往，好快就有一枱食完，唔洗點等位。一黎見到餐牌已經呆左，麵食$60-70，小食只不過係$20-40內，抵到爛。先黎個柚子番茄，係凍食黎嘅，酸酸甜甜好開胃。再黎個$35就食到嘅煙三文魚卷，你睇個樣都知有別於其他三文魚卷，下邊係越色嘅生菜豬肉粉絲卷，加上一堆嘅三文魚塊，一啖食落去有多重嘅口感。好啦，黎兩杯青檸梳打同利賓納梳打，造型都幾特別。牛油雞翼同埋蝦餅都非常香脆，係必叫之選。重頭戲就係生牛肉河同埋胡志明市番茄豬扒米，牛肉同豬扒都好入味，一碗嘅分量好大，再加上岩岩叫嘅小食兩個人都未必食得哂，重點係嗌咁多都係兩百幾咋