東京一番 (Closed)

幾日前係團購買左個超抵食日本放題之後，今晚終於派上用場。黎到已經好多排隊。坐低即刻叫壽司食。因為太肚餓。海膽手卷唔會太多飯，份量適中。海膽鮮甜，味道新鮮。芝士鰻魚牛油果壽司好味，有層次感，牛油果香同芝士夾，鰻魚夠甜，成個壽司好好味。羊架香草味重，燒得夠軟滑。咬落口好滑。而且冇乜騷味。鍾意佢燒烤既技巧，羊架要燒到咁先好味，唔會好似食膠咁。呢個係我最鍾意既豚肉。好有水份，洋蔥味加埋豬肉好甜。好惹味。encore左幾碟。炸物最鍾意係炸魷魚，真係大大隻魷魚俾你。而且炸得香脆，聽唔到口，勁好味。不斷係咁食，食到好飽先返屋企，超級好食。