Video
Read full review
2017-03-29
255 views
是日晚上，朋友一早book左位，話試一間長沙灣既放題，本身有promotion價錢非常抵，所以決定一試，如果7點半前離座既話二人同行一人半價，所以真係好平，今晚決定一試。去到地下已經見到promotion牌同埋收費，之後餐廳位於二樓。由於時間尚早，餐廳內並唔係有太多客人，氣氛比較寧靜。點菜單有好多張，由A排到N，我同朋友都好肚餓，所以坐底之後立即點食物，朋友一坐底果陣佢話呢間放題既玄米茶好飲，好清真係有玄米味。我地點好食物之後，見到出面有飲品，湯品，沙律同甜品雪糕等等，咁就出去睇下。首先飲品有兩個櫃，一個係for汽水加梅酒同清酒，另一個就係各式各樣既罐裝飲品，有啤酒、紅茶、汽水、烏龍茶等等，而我就拎左錫蘭紅茶同忌廉鮮奶。隔離同時有個櫃，內裡有前茶包括支豆、中華沙律同小量甜品，包括小丸子、芝士蛋糕、泡芙同啫喱等等。款式都算比較多，而且味道唔錯。拎完野飲返到位之後食物開始黎了，先黎既係刺身，可選擇既刺身都算多款，有十二款，上枱果陣碟有乾冰，造出冰霧效果，影相係唔錯既，刺身最有驚喜係帶子刺身，我覺得係必食，佢每一片帶子夾住一塊檸檬，Fresh得黎好有鮮味，玉子同油甘魚都推介，鮮甜同油脂味好正
由於時間尚早，餐廳內並唔係有太多客人，氣氛比較寧靜。點菜單有好多張，由A排到N，我同朋友都好肚餓，所以坐底之後立即點食物，朋友一坐底果陣佢話呢間放題既玄米茶好飲，好清真係有玄米味。
我地點好食物之後，見到出面有飲品，湯品，沙律同甜品雪糕等等，咁就出去睇下。首先飲品有兩個櫃，一個係for汽水加梅酒同清酒，另一個就係各式各樣既罐裝飲品，有啤酒、紅茶、汽水、烏龍茶等等，而我就拎左錫蘭紅茶同忌廉鮮奶。隔離同時有個櫃，內裡有前茶包括支豆、中華沙律同小量甜品，包括小丸子、芝士蛋糕、泡芙同啫喱等等。款式都算比較多，而且味道唔錯。
拎完野飲返到位之後食物開始黎了，先黎既係刺身，可選擇既刺身都算多款，有十二款，上枱果陣碟有乾冰，造出冰霧效果，影相係唔錯既，刺身最有驚喜係帶子刺身，我覺得係必食，佢每一片帶子夾住一塊檸檬，Fresh得黎好有鮮味，玉子同油甘魚都推介，鮮甜同油脂味好正。刺身款式多選擇，質素亦ok。之後仲有一牒壽司，佢壽司同手卷既Size全部都係比較細件，唔會浪費食物非常好，我地就每款叫一兩件試下，細細件一啖已經食完，花之戀同火炙三文角腩係推介，好好味，另外左口魚都唔錯。手卷我地叫左軟腳蟹手卷同海膽手卷，我和朋友都比較喜歡軟腳蟹手卷，細細件唔會太飽。
串燒、炸物同燒物都緊接咁黎，串燒我地叫左鹽燒玻璃豬同芝士牛舌，兩個我地都好鍾意，肉軟又夠香，芝士又唔會太重。炸物我地叫左香芋丸同風沙雞翼，雞翼真係外脆內軟，朋友加左單兩次，覺得好好食，另外仲有吉烈生蠔，不過不失，有一件粉好薄，果件係超水準。仲有天婦羅，蝦係必食，點單上寫係虎蝦，所以我地刺身、串燒同天婦羅我地都叫左虎蝦哈哈，味道都唔錯，蕃薯好香好可口。爐焗方面焗蠔同焗帆立貝都值得推介，係回本位，芝士味有D重，但個醬好好味。
最後我地大慨叫多1round左右就出去拎雪糕了，開始飽，雪糕係普通雀巢，另外有隻係Gelato，我地就試左新野，有豆腐味同matcha味，我地兩個都覺得Gelato比雀巢好味 呢間野食物質素唔錯，但勝在價錢真係抵食，有埋半價優惠係可以平時 間唔中平日晚上黎食下，抵食之選！
Post
