Video
Read full review
2016-09-10
932 views
今日Happy Friday 去咗滿屋食日式放題，其實都好耐無食過放題，對佢有D期望，同埋聽朋友講，D嘢食都幾好。一坐底，快快手點咗刺身先，都幾多款，點咗甜蝦，油甘魚，劍魚腩，帶子，赤貝都算新鮮，而我最鍾意劍魚腩，又厚又甜，甜蝦都唔錯，好大隻，刺身都幾新鮮，所以我地再叫多左一次甜蝦同劍魚腩。壽司我地點咗幾款，最鍾意係左口魚，薄薄地，壽司飯又唔會太大，食左唔會太飽。仲叫咗海膽手卷，細細地，不過手卷我就覺得麻麻地，d飯好酸，同埋紫菜淋晒。跟住食熱葷，叫咗燒海蝦，D肉幾爽，唔錯，再離燒牛舌同牛柳粒，講真佢又燒得幾香口，又唔靱，幾好食。朋友最鍾意食羊架，話一定要叫，羊架好大件，又唔羶，趁熱辣辣食，好味。另一款要推介就係鹽燒雞翼，個皮燒得好香好乾身，脆脆地，而d肉又唔乾，好juicy。蟹籽沙律，好大堆蟹籽，清清地，當蔬菜食。粟米雞粥，等咗好耐，以為漏單，好彩最後都有離，個粥好大鍋，都有幾件雞同好多粟米，食咗禁多生冷嘢，食d粥，無禁溜。最後仲點咗 movenpick 雪糕，仲有三款味道比你揀，真係滿足晒。仲有一定要讚，依度飲品係任飲，但佢居然有 Hoegaarden 飲，講真食刺身同串燒，點可以唔
一坐底，快快手點咗刺身先，都幾多款，點咗甜蝦，油甘魚，劍魚腩，帶子，赤貝都算新鮮，而我最鍾意劍魚腩，又厚又甜，甜蝦都唔錯，好大隻，刺身都幾新鮮，所以我地再叫多左一次甜蝦同劍魚腩。
壽司我地點咗幾款，最鍾意係左口魚，薄薄地，壽司飯又唔會太大，食左唔會太飽。仲叫咗海膽手卷，細細地，不過手卷我就覺得麻麻地，d飯好酸，同埋紫菜淋晒。
跟住食熱葷，叫咗燒海蝦，D肉幾爽，唔錯，再離燒牛舌同牛柳粒，講真佢又燒得幾香口，又唔靱，幾好食。
朋友最鍾意食羊架，話一定要叫，羊架好大件，又唔羶，趁熱辣辣食，好味。
另一款要推介就係鹽燒雞翼，個皮燒得好香好乾身，脆脆地，而d肉又唔乾，好juicy。
蟹籽沙律，好大堆蟹籽，清清地，當蔬菜食。
粟米雞粥，等咗好耐，以為漏單，好彩最後都有離，個粥好大鍋，都有幾件雞同好多粟米，食咗禁多生冷嘢，食d粥，無禁溜。
最後仲點咗 movenpick 雪糕，仲有三款味道比你揀，真係滿足晒。仲有一定要讚，依度飲品係任飲，但佢居然有 Hoegaarden 飲，講真食刺身同串燒，點可以唔飲啤酒，所以我同朋友每人飲咗三枝至夠喉。
朋友話依度d位迫少少，不過我覺得放題多數都係感，我覺得可以接受囉，整體都幾好，可以再食。
Post
