東京一番 (Closed)

朋友係團購網買左放題，大約$100就有得食啦。餐廳都幾大，好多座位。叫左唔少壽司食，個火灸三文魚腩加左芝麻醬係上面，都幾特別。鵝肝帶子壽司既鵝肝雖然唔係好大粒，不過味道都好濃郁，同帶子好夾。仲有個明太子甜蝦，明太子小小辣同甜版既甜味幾夾。帶好多炸物食啊，有炸魷魚、芝士年糕、雞軟骨同炸雞翼。燒芝士牛舌好好食，牛舌好爽口，芝士夠濃味又熔熔地。燒玻璃肉好肥美，但又好爽口。三文魚他他餅好好食，三文魚蓉夠肥又夠香，配埋脆脆既餅底好正。