日悅極尚日式放題 (Closed)

旺角有幾棟大廈出名多野食，分別係兆萬、創興、瓊華，無論放題、雞煲、燒肉等等都有，基本上去到都唔會搵唔到野食。諗起放題，創興呢邊我都試過兩間，感覺上質素好似好D。知道4樓呢間新開無耐，同朋友一齊過來試下，期後我先諗起，尖沙咀都有分店。餐廳分放題、火鍋、燒肉三合一，當然睇番你揀咩食，就安排唔同座位。晚上來食，閒日都幾多人，七、八成滿座。地方以卡位為主，放題來講，四個人坐都唔會逼，環境唔會好嘈。好快上左個刺身船，刺身冰底上，賣相都幾吸引。刺身款式多，有三文魚、吞拿魚、螺片、北寄貝、甜蝦等等。大部分都好新鮮，最常食嘅三文魚都ok，唔會太削。壽司我地都試左幾款，鰻魚、芥辣八爪魚、海膽壽司都係正常。熟食都滿意，啱食嘅就夠，點左天婦羅、炸蝦、雞翼、焗帆立貝。串燒點左最鐘意嘅雞軟骨、牛舌等，質素可以啊。上枱都係熱嘅牛柳粒、和牛薄片等都幾好食，我幾鐘意，味道入味。水果、沙律、前菜任拎。飲品種類多，茶啊、果汁、汽水都有，如果鐘意飲酒，亦都有生啤，啱哂。最後仲有牛奶公司雪糕任食，同埋人頭一杯哈根大師或movenpick雪糕