大喜屋 (Closed)

又平又好食既放題真係好少有，見呢間平平地又多好評就一於試一下，果然係正！餐廳𥚃面都幾大，坐得都舒服，店員會係張枱隔離黐住張紙寫低幾點要離座。食放題緊係少不了魚生😍😍🤤三文魚厚切鮮甜！甜蝦大隻甜美，赤海蝦好有海味😂象拔蚌好爽口，帶子略嫌細粒，赤貝北寄貝都好食，油甘魚劍魚腩都推介！私心推介燒菠蘿同燒牛舌，講起都想食，想無限encore😎😎菠蘿超甜超多汁，冇皮方便食用。牛舌唔靭仲好香口，不過有一兩塊比較靭。火炙壽司推介左口魚邊，芝士蟹棒，燒三文魚！蟹棒有驚喜，唔係好麵粉個啲。炸榴槤勁流心，勁香甜！榴槤愛好者萬勿錯過！唔中意食榴槤既朋友都可以試下。叫左個花甲，都不錯。海膽手卷，海膽份量太少唔係好食到海膽味😂呢到竟然有温泉蛋，凍冰冰幾好食。最後每人一杯雪糕，可以揀milk top同哈根大師，milk top真係好好食，牛奶味濃郁，完美作結！