利寶閣 (Closed)

呢間酒樓成日都有唔同主題嘅放題。今次主題係奄仔蟹🦀。一個價錢任食奄仔蟹、片皮鴨、中菜、火鍋SRF和牛。每位仲有一盅鮑魚佛跳牆。入座後先送上一客片皮鴨。鴨肉燒得香，脂肪唔多，鴨肉結實但唔嚡口。今次試咗清蒸同花雕奄仔蟹。清蒸最食到奄仔蟹嘅鮮味。但反而凍食嘅花雕奄仔蟹更有驚喜。蟹膏蟹肉都吸收晒花雕酒嘅香味。每枱都有一個粥底火鍋🍲。除咗火鍋SRF和牛係需要落單，其他火鍋料都係自助拎。任食嘅食品有可以喺buffet枱拎，有啲要用紙落單。比較推介蒜茸蒸扇貝。扇貝鮮味之餘仲充滿蒜香。另一款encore咗嘅係炸蝦多士。口感鬆脆又帶點彈牙。