Video
Read full review
2023-09-01
1474 views
灝3小時韓燒放題 $298/位最近同朋友去咗尖沙咀嘅灝食韓燒。好耐冇去韓國，嚟呢度過吓癮都幾好，嚟到仲見到有啲韓國客人添！我哋叫咗放題套餐，任食慢慢揀！肉類和蔬菜都好新鮮，仲有唔同嘅醬汁配菜。肉類都醃好曬，全部都好有風味。啲肉肉放喺燒烤爐上慢慢烤熟，鍾意食幾成熟都得啦！佢地個爐好得意，啲肉放喺上邊轉吓轉吓慢慢烤熱，冇真火咁猛，咁嘅烹調方式保留咗肉類嘅鮮美口感，juicy！肉類選擇好多㗎，豬肉嚟講有五花腩、辣味豬仔骨、原件豬頸肉、豬皮、豬大腸等等；牛肉嚟講有醬醃牛仔骨、一口牛串燒等等；仲有香草羊鞍、雞髀肉串燒、免治雞肉棒、魚、蔬菜等。食物種類多不勝數，但我地都差唔多試晒！豬肉嚟講我最鍾意五花腩，夠肥美充滿油脂咁燒完仲有啲焦香味添。牛肉嚟講我最鍾意牛仔骨，牛味好濃郁，香噴噴；羊架食落都易入口，唔會好羶。蕃茄仔好清甜，生食同燒咗都有唔同嘅風味。另外我都鍾意啲菇同食魚糕。唔講咁多，大家快啲嚟試曬佢。$298呢個價錢包咗無酒精飲品任飲，真係好抵呀。如果中意飲酒加 $88就仲可以任飲啤酒、米酒、燒酒等等。我哋仲試咗老闆娘介紹嘅花生味嘅米酒，好清新好特別！餐廳提供派對包場服務，除咗食嘢仲有唔同嘅娛樂
3小時韓燒放題 $298/位
最近同朋友去咗尖沙咀嘅灝食韓燒。好耐冇去韓國，嚟呢度過吓癮都幾好，嚟到仲見到有啲韓國客人添！我哋叫咗放題套餐，任食慢慢揀！
肉類和蔬菜都好新鮮，仲有唔同嘅醬汁配菜。肉類都醃好曬，全部都好有風味。啲肉肉放喺燒烤爐上慢慢烤熟，鍾意食幾成熟都得啦！佢地個爐好得意，啲肉放喺上邊轉吓轉吓慢慢烤熱，冇真火咁猛，咁嘅烹調方式保留咗肉類嘅鮮美口感，juicy！
肉類選擇好多㗎，豬肉嚟講有五花腩、辣味豬仔骨、原件豬頸肉、豬皮、豬大腸等等；牛肉嚟講有醬醃牛仔骨、一口牛串燒等等；仲有香草羊鞍、雞髀肉串燒、免治雞肉棒、魚、蔬菜等。食物種類多不勝數，但我地都差唔多試晒！
豬肉嚟講我最鍾意五花腩，夠肥美充滿油脂咁燒完仲有啲焦香味添。牛肉嚟講我最鍾意牛仔骨，牛味好濃郁，香噴噴；羊架食落都易入口，唔會好羶。蕃茄仔好清甜，生食同燒咗都有唔同嘅風味。另外我都鍾意啲菇同食魚糕。唔講咁多，大家快啲嚟試曬佢。
$298呢個價錢包咗無酒精飲品任飲，真係好抵呀。如果中意飲酒加 $88就仲可以任飲啤酒、米酒、燒酒等等。我哋仲試咗老闆娘介紹嘅花生味嘅米酒，好清新好特別！
餐廳提供派對包場服務，除咗食嘢仲有唔同嘅娛樂設施，一大班人可以唱下K同玩飛鏢等等。
餐廳仲做緊生日優惠，喺生日月份去就可以星期一至四，4人同行，1人免費。星期五至日及假期，6人同行，1人免費。
Post
