NY Garden (Closed)

北角和富薈地庫開咗個新嘅美食廣場，裝修得好有中東風情，啱曬打卡😍😍裏面仲有好多東南亞美食，今次就試左NY Garden，平靚正之選。叫做一份新加坡無骨海南雞飯，配明火椰子雞湯。海南雞又滑又嫩，椰子雞湯夠火候。另外試埋店家推介嘅雞雜雞湯麵，揀咗米粉。米粉索曬雞湯底嘅味道，好好食。雞雜有雞腸，雞腎，雞潤，啱曬鍾意食內臟嘅我。另外加個小食，炸蝦餅配黑松露醬，好滿足。仲有兩杯特飲，青檸梳打同恐龍美祿，好開心，好似去咗新加坡旅行。