Video
Read full review
2016-07-03
335 views
之前食過炑八晚市，感覺不錯，行過見到原來推出左下午茶餐，仲要$48超抵食！一於去試下！下午茶仲可以有任飲，食完慢慢傾都唔錯！前菜都係大眾化嘅海大同泡菜，份量頗多，味道正常。湯就一般，個人覺得淺嘗就可以。小食先來魚串，口感頗彈，點上醬汁會額外惹味，雖然不及韓國的好，但都幫手止一止我韓國街頭小食嘅心癮。主菜點左泡菜炒豬腩肉粉絲，泡菜炒豬腩肉味辛辣好刺激，腩肉肥瘦適中，撈埋彈牙嘅炒粉絲食，好香口，唔錯。另外叫咗牛肉紫菜卷，飯同餸嘅比例剛剛好，唔會感覺太heavy，醃蘿蔔食落咗覺得好開胃，我地都一件接一件。我叫左杯士多啤梨梳打， 因為係可以無限添飲嘅關係，我總共飲咗兩杯！每次都有一粒好大嘅士多啤梨響入邊，無藥水味，邊飲邊同朋友吹水感覺十分良好！每人＄60都唔使就食到咁豐富嘅韓國嘢！又可以坐低慢慢傾，傾到口渴又可以添飲，食物質素又唔錯，個人覺得真係抵到無朋友！響邊度搵？
下午茶仲可以有任飲，食完慢慢傾都唔錯！
前菜都係大眾化嘅海大同泡菜，份量頗多，味道正常。湯就一般，個人覺得淺嘗就可以。
小食先來魚串，口感頗彈，點上醬汁會額外惹味，雖然不及韓國的好，但都幫手止一止我韓國街頭小食嘅心癮。
主菜點左泡菜炒豬腩肉粉絲，泡菜炒豬腩肉味辛辣好刺激，腩肉肥瘦適中，撈埋彈牙嘅炒粉絲食，好香口，唔錯。
另外叫咗牛肉紫菜卷，飯同餸嘅比例剛剛好，唔會感覺太heavy，醃蘿蔔食落咗覺得好開胃，我地都一件接一件。
我叫左杯士多啤梨梳打， 因為係可以無限添飲嘅關係，我總共飲咗兩杯！每次都有一粒好大嘅士多啤梨響入邊，無藥水味，邊飲邊同朋友吹水感覺十分良好！
每人＄60都唔使就食到咁豐富嘅韓國嘢！又可以坐低慢慢傾，傾到口渴又可以添飲，食物質素又唔錯，個人覺得真係抵到無朋友！響邊度搵？
Post
