雞少雞飯

Open Now

Now Closed

尖沙嘴有間小店主打新馬料理，提供多款性價比高嘅菜式，海南雞、星洲咖喱、娘惹喇沙、檳城蝦麵、肉骨茶等，下午茶時段優惠嘅份量同正價一樣，難怪咁多人幫襯🤣喇沙摻摻帶微微辣，個人喜歡米粉多過油麵，不過兩款麵條撈埋一齊口感更加豐富，吸爆湯汁好惹味。配料有幾款可以揀，豬頸肉肥瘦適中，啖啖肉，有炭燒香氣，性價比高，值得一試。相比之下星洲咖喱辣度較低，味道香濃適合配飯。專登轉做香油飯試試，淡淡香氣，食落唔膩。另外搭配厚切豬扒，肉質唔嚡，而且都有唔少塊。旁邊有無味精住家湯，飲落潤喉，美味。小食方面有芽籠粉絲春卷，三小件，外層酥脆，餡料飽滿，點埋醬汁更加開胃。吉列鳳尾蝦都唔錯，不過個皮厚咗少少。飲品有咖啡同椰汁紅豆冰，凍冰冰夠晒解渴，整體用餐體驗良好。