全記海鮮菜館

Open Now

Now Closed

今日冬至，抽空同阿媽Dum左兩個鐘頭車入西貢，去完香港地質公園、食海鮮，完美的一天。海旁有好多間食海鮮既，我地見到呢間全記海鮮菜館，話係獲得車胎人榮譽既，咁都無謂考慮，直接坐低！呢間店面積很大，而且有好幾層，內部環境唔錯的。門口有好多生猛既海鮮，可以自己挑選，蝦啊蟹啊都非常大隻，海鮮品種繁多，有好多平時街市見唔到既種類。我地叫左個溫馨二人套餐（$ 488）揀左四道餸 ——椒鹽瀨尿蝦，蒜蓉粉絲蒸元貝，薑蔥炒蟹，香味椒鹽墨魚。其實人均$ 244有4個餸1 d都唔貴。其中以香蒜椒鹽墨魚同椒鹽瀨尿蝦最為惹味。墨魚很有彈性，口感Q彈，點甜酸醬特別開胃；而椒鹽瀨尿蝦如手瓣般大，炸得夠脆身，蝦肉唔霉，接近蝦尾的部位啖啖肉，超鮮甜！薑蔥炒蟹都幾肥美，蟹都有啖啖肉，可惜冇咩蟹膏啦！蒜蓉粉絲蒸元貝既size非常大隻，但係味道就無功無過，可能未必係原隻蒸，因為個貝肉並冇黏住個貝殼，已經被鏟起左。其實黎西貢唔食海鮮，都唔知入黎做咩啊。全記呢間舖頭位於海旁，遙眼望過去都見到藍天碧海，盡是寫意。