撈得喜火鍋冰室

Open Now

Now Closed

去左朗屏站附近既任食火鍋，佢同一個價錢可以揀火鍋或者烤魚，兩者都可以任食火鍋配料，咁我唔食徥辣，就叫左鍋酸菜魚。佢正價時段$198 /人，早/晏啲食就$178。人均二百可以有烤魚同任飲任食好抵了。火鍋料區都好多選擇，最抵係有海鮮：魷魚、蝦、蠔同蜆。牛都有肥牛同唔知咩部位既牛。條烤魚好巨型，魚肉夠滑👍🏻海鮮幾新鮮，烚完無乜縮水。飲品除左罐裝仲有茶，食食下伙記仲推左一車水果茶出黎，夏天飲好消暑。佢地拎醬料個位仲有得拎麻辣雲耳、秋葵、響鈴同魚皮。甜品就係多款口味既雪糕，幾好食。就連平日晚上都坐滿人，走完一枱又黎一枱人，建議黎前先訂枱。