壽司屋

Open Now

Now Closed

一點九黎到呢間只得十一個位既壽司店。叫左帆立貝壽司，甜蝦，象拔蚌壽司。一黎到嚇左我一跳。因為個帆立貝壽司有成粒帆立貝，而且非常的鮮甜。最緊要係賣$35 兩件。再黎有墨魚壽司、油甘魚同埋赤貝壽司。全部都有油份。赤貝爽甜。軍艦既紫菜係脆既。叫左蟹膏同芥辣八爪魚。玉子大塊！由於驚唔飽就叫左照燒雞扒飯。黎到就覺得佢齋左d. 因為無菜。照燒雞份量對比個白飯係偏小既。但$35 又可點要求呢？由於成間餐廳都無菜類，所以後加左個中華沙律。十幾蚊就有壽司食。而且仲有午市特價飯（有三款選擇）仲可以加$2 有面豉湯、$3 汽水同$5 三文魚頭湯添。佢地有落場時間1430-1730。要去食記住預時間。