元札幌拉麵 (宇晴軒商場) (Closed)

見到依間門面幾特別，我同朋友都想食日本菜，於是就試下。服務員嘅服務幾快而殷勤，而且好有禮貌！入邊嘅環境都寬闊，坐得舒服，比較寧靜，適合同朋友傾偈。滑蛋吉烈豬扒飯呢個飯令人相當有驚喜！首先份量頗大，而且個滑蛋係偏甜甜地嘅，令人呢完全唔會覺得鹹或者漏，同飯配合好夾。至於吉列豬扒，雖然佢個炸漿淋咗少少，但係整體個調味不俗，恰到好處，而且食落亦脆，豬扒唔會好韌，食落係非常之有驚喜嘅一個飯！雜錦串燒串燒有冬菇，雞軟骨，雞翼等。 整體比較普通，調味冇乜特別。鐵板牛油帆立貝呢度帆立貝48蚊都有三隻，另外仲有啲粟米同埋沙律菜。整體其實個味道相當唔錯，有牛油嘅香味，配上其他嘅調味同埋粟米係唔錯嘅配搭。帆立貝都偏係大隻，都算抵食。自家制餃子餃子嘅份量都幾多，有六隻。煎得非常之香，同埋脆，係新鮮煎嘅。入面嘅調味都唔錯，咁但係又未至於話好有驚喜。整體都係中上嘅水準。