MOS Burger (荃新天地一期)

Open Now

Now Closed

呢日早落堂，就心血來潮想黎呢度食包做午餐。意想不到既係，呢間分店會有學生餐食。一個魚柳漢堡餐連飲品只係25蚊，唔怪得附近咁多學生過黎食啦。魚柳漢堡我幾鍾意呢度包，佢地既包係烘過黎。都算係幾脆卜卜，個包個質地唔會淋。呢個包先好食。而個魚柳就唔算大件，但食得出好有鮮味。絕對唔似某快餐店粗製濫造，果間快餐店既魚柳包貴之餘，但一都唔好食。而MOS既配料有洋蔥，食落真係有十二分惹味。粗切薯條薯條真係好正，好有薯味。對我黎講，粗薯條係好食。係有口感架，而且最重要既係。粗薯條凍左都幾好食架。凍鮮奶咖啡咖啡味好重，但又有陣陣既鮮奶味。整體上都唔錯，而且佢地好體貼。糖水係自已落架，可以俾客人控制甜度，值得一讚。雖然其他時段，MOS既套餐會貴過另一間快餐店。但我依然會幫襯，因為呢度真係坐得好舒服。而且食物既質素真係保持得唔錯，再有機會一定再黎架。