加藤屋 (H.A.N.D.S) (Closed)

睇到個賣相會唔會有啲熟悉呢？但呢間係黃店嚟架！喺深水埗、屯門、慈雲山、荃灣同太子都有分店，餐牌除咗有今次介紹嘅鍋物同雞扒飯，仲有牛肉飯、鐵板飯同咖哩飯～都幾抵食！•🥢 雜炊配豚肉 轉烏冬 $38+2呢個配料好豐富！有木耳絲、半隻蛋、獅子狗、金菇、菜、粟米、豆卜同主食豚肉，本身係配泡飯，轉烏冬/拉麵+$2，仲可以揀清湯/壽喜燒/麻辣湯，配烏冬嘅話同煮好嘅邊爐鍋一樣！冬天食熱辣辣幾正！湯底唔會太濃，配烏冬都幾夠味，烏冬唔會太幼，幾彈牙。•🥢 野菜雞扒飯 $42雞扒唔會太乾，不過煎脆啲啲會好食啲，醬汁淋咗係飯同雞扒上面，唔係好夠😢 食到最後會就淨返白飯。