CoCo壹番屋 (新港中心)

Open Now

Now Closed

一直都對日式咖喱冇乜特別興趣，不過因為做嘢嘅關係，見佢冇乜人阻住我做嘢，就諗住入去試吓，冇諗過意外地覺得都好唔錯。我入到去環境都唔係話好嘈，可能真係咁岩冇乜人，職員路即刻行過嚟幫我做安心出行。服務都好親切，服務員都即刻俾杯水我，見我拎部電腦出嚟，都冇話趕住要我落單。我最後叫咗一份吉列豬扒芝士咖喱飯同一杯凍檸茶。吉列豬扒芝士咖喱飯，充滿着懷舊日本咖喱飯嘅味道。佢嘅吉列豬扒炸到好脆皮，豬扒唔會話好乾，都幾多汁飛出嚟。個芝士可以拉絲，成個感覺好唔錯。咖喱唔會太辣，咖喱味都幾重，甜甜哋，撈埋飯食唔會太膩。整體嚟講都唔錯，以我唔太鍾意食咖喱嚟講，我都讚佢。