日本野 (銅鑼灣廣場二期) (Closed)

午餐想食日本野，原來銅鑼灣廣場開左間日本野真係叫「日本野」，午餐仲要好抵食，$100樓下都有好多選擇，仲要免加一。特選刺身拼盤定食（$108）有厚切三文魚、油甘魚、北寄貝、甜蝦，除左壽司飯仲有配味噌湯、溫泉蛋。魚生厚切真係啖啖滋味。溫泉蛋蛋黃漿住嘅感覺，一啖食超爽。咖哩牛肋條配烏冬（$78）朋友嘅牛肋條幾大條，份量多，個咖喱簡直係最啱大眾口味嘅甜甜地又平和嘅日式咖哩汁，配烏冬非常夾。跟餐仲有飲品，我地揀左汽水同奶茶，呢度嘅奶茶有茶記水準，我鍾意！