漁釧 (將軍澳中心) (Closed)

成日夜晚行過呢間日本嘢見到都好多人食😋，經常想搵機會試下，但係就冇記性成日唔記得，咁啱最近有一日平日放假就食咗！由於係一個仲讀緊書嘅學生好有誠意咁請我食生日飯，唔想佢洗太多錢同原本係好想食魚生嘅我，最終都揀咗食黑咖喱吉列豬扒飯。 而佢就食咗黑松露燒雞飯。黑咖喱吉列豬扒飯定食🙂黑咖喱味道普通，偏酸，唔辣唔甜，但係唔難食🙁吉列豬扒有啲乾，炸漿唔脆，豬味唔濃😋茶碗蒸好滑，幾好味👍🏻黑松露燒雞扒定食😀雞扒係即燒嘅👍🏻，不過味道就一般，唔算好香，黑松露醬唔算濃味，加埋一齊食唔難食，但係又唔係特別好食其實係呢間鋪頭應該食嘅係魚生同串燒，相信會係幾出色嘅。下次自己比錢時會試下🤣今次嘅午餐食物質素就中規中矩，但係商場坐得舒服咁食一餐飯，仲有埋沙律，麵豉湯，茶碗蒸，同主食都係$78，都算非常超值。