Video
Read full review
2024-02-20
46 views
超過一年冇返黎香港，每日都約左唔同朋友飯局，今日就約左朋友黎尖咀食日本野。朋友介紹黎The One附近哩間日本菜，因為經openrice訂位，所以全單有88折。一入門口就見倒大大個無臉男坐喺度。沿樓梯上去就到餐廳，除左普通餐枱，仲有壽司吧枱同Tatami，真係好似去左日本嘅居酒屋咁。佢地嘅Lunch Set有超過二十款揀，價錢由$88至$268，大部份都包左麵豉湯、前菜同甜品，CP值非常高。我叫左個特雜錦壽司12件 ($138)，入面包左七款壽司、一件軍艦同四件卷物。雖然唔係咩貴價壽司，但壽司飯全部都握得夠實，唔會好易散開，魚生質素亦唔錯，而且完全包晒成舊飯，交足功課。定食仲跟左茶碗蒸同三文魚刺身，茶碗蒸入面都幾多料，食落好滑。除左沙律同小食，仲有埋蕨餅做甜品。朋友就叫左特選雜錦刺身定食($188)，佢可以揀跟飯或者烏冬。刺身有五款，實物同menu圖片差唔多，刺身厚切新鮮。烏冬係冷烏冬，食落好爽口唔會有酸味。刺身定食嘅前菜會有一件卷物。和道屋嘅定食好豐富，每款定食都包左好多前菜，而且實物跟menu相都差唔多，味道亦唔錯，本身價錢都正路，經openrice訂枱仲有88折，即係差唔多免左加
朋友介紹黎The One附近哩間日本菜，因為經openrice訂位，所以全單有88折。
一入門口就見倒大大個無臉男坐喺度。
沿樓梯上去就到餐廳，除左普通餐枱，仲有壽司吧枱同Tatami，真係好似去左日本嘅居酒屋咁。
佢地嘅Lunch Set有超過二十款揀，價錢由$88至$268，大部份都包左麵豉湯、前菜同甜品，CP值非常高。
我叫左個特雜錦壽司12件 ($138)，入面包左七款壽司、一件軍艦同四件卷物。雖然唔係咩貴價壽司，但壽司飯全部都握得夠實，唔會好易散開，魚生質素亦唔錯，而且完全包晒成舊飯，交足功課。
定食仲跟左茶碗蒸同三文魚刺身，茶碗蒸入面都幾多料，食落好滑。
除左沙律同小食，仲有埋蕨餅做甜品。
朋友就叫左特選雜錦刺身定食($188)，佢可以揀跟飯或者烏冬。
刺身有五款，實物同menu圖片差唔多，刺身厚切新鮮。
烏冬係冷烏冬，食落好爽口唔會有酸味。
刺身定食嘅前菜會有一件卷物。
和道屋嘅定食好豐富，每款定食都包左好多前菜，而且實物跟menu相都差唔多，味道亦唔錯，本身價錢都正路，經openrice訂枱仲有88折，即係差唔多免左加一咁，性價比幾高。
Post
