大滿喜日本料理 (Closed)

旺角有很多放題餐廳，今次朋友就帶我去食大滿喜，哈原來也是開飯的推介熱點，真巧合訂咗五點半場，不算多人，而且安排了卡位，位置闊落，坐得鬆動！食放題點可以無刺身，種類雖不算多，但都有三文魚、劍魚腩、象拔蚌等等，而且仲要係厚切，師父亦好有心機排得好靚仔，抵讚！個人最鍾意食珍寶赤海蝦，肥美大隻，肉質鮮甜，屬於必點項目！壽司又有很多款，三文魚鰻魚這些一定點，但我覺得最特別屬於泰式虎蝦，上面有一點點的甜酸醬令感覺很特別，完全將泰式食法融入壽司之中！肥牛鍋也是值得一吃，牛肉份量夠多，亦有生菜金菇豆腐伴碟，熱辣辣好好食！最後蟹粥亦都屬於必食推介，粥煲得香滑好食，蟹亦調較得入味，在肥膩的一餐中可以清清腸胃！其實食放題真係好抵食，仲有好多炸物、串燒、天婦羅、其他熱食，而且仲係飲品任飲，不過唔可能全部都「手機食先」啦！但我覺得大滿喜的質素真的不錯，有機會會再來放縱一番！