至尊滿屋日本料理 (Closed)

平時已經好鐘意食放題，今日有朋友介紹話依度又平又好食就黎試下喇，依度地方都幾大，坐位都算闊落，坐得幾舒服。食物種類都好多下，睇下依兩本落單紙就知啦🤣🤣🤣黎到就揀係要食刺身先啦！三文魚都幾肥美，北海道帶子夠新鮮，油甘魚好爽口。壽司種類實在太多，可惜得兩個人唔想浪費食物試唔哂😩花之戀細細件，一啖岩岩好。至尊蜜糖芥末三文魚腩壽司，新配搭都幾有新意。日式牛肉鍋，湯底好甜，牛肉都好多，入面仲有豆腐同粉絲仲有唔少炸物可以點，我自己就最鍾意炸芋丸飲品都唔少選擇嘅，仲有熱清酒就可以比大家自助去斟。雪榚只限每人一杯以二百蚊有找可以任食放題，依度的確係唔錯！